ਅਕੈਡਮੀ ਆਫ਼ ਸੋਸ਼ਲ ਸਾਇੰਸ ਆਸਟ੍ਰੇਲੀਆ ਦੀ ਮੈਂਬਰ ਬਣੀ ਸੰਧਿਆ

ਮੈਲਬੌਰਨ, 12 ਫਰਵਰੀ (ਸਰਤਾਜ ਸਿੰਘ ਧੌਲ)-ਪ੍ਰੋਫ਼ੈਸਰ ਸੰਧਿਆ ਪਾਹੂਜਾ ਜੋ ਕਿ ਭਾਰਤੀ ਮੂਲ ਦੀ ਹੈ, ਨੂੰ 2019 'ਚ 'ਅਕੈਡਮੀ ਆਫ਼ ਸੋਸ਼ਲ ਸਾਇੰਸ ਆਸਟ੍ਰੇਲੀਆ' ਦੀ ਮੈਂਬਰ ਚੁਣਿਆ ਗਿਆ ਹੈ | ਉਸ ਦੇ ਮਾਤਾ-ਪਿਤਾ 1970 'ਚ ਇੱਥੇ ਆਏ ਸਨ ਜਦੋਂ ਉਹ ਉਸ ਦੀ ਮਾਂ ਦੇ ਪੇਟ 'ਚ ਸੀ | ਉਸ ਸਮੇਂ ਇੱਥੇ ਵਾਈਟ ਆਸਟ੍ਰੇਲੀਆ ਦੀ ਪਾਲਿਸੀ ਸੀ | ਮੈਲਬੌਰਨ ਯੂਨੀਵਰਸਿਟੀ ਦੇ ਲਾਅ ਸਕੂਲ 'ਚ 'ਇੰਸਟੀਚਿਊਟ ਫ਼ਾਰ ਇੰਟਰਨੈਸ਼ਨਲ ਲਾਅ ਐਾਡ ਹਿਊਮੈਨਟੀਜ਼' ਦੀ ਡਾਇਰੈਕਟਰ ਪਾਹੂਜਾ ਦਾ ਕਹਿਣਾ ਹੈ ਕਿ ਭਾਵੇਂ ਉਹ ਇੱਥੇ ਜੰਮੀ-ਪਲੀ ਹੈ ਪਰ ਉਸ ਦੇ ਅੰਦਰ ਭਾਰਤ ਵਸਿਆ ਹੋਇਆ ਹੈ | ਉਹ ਆਪਣੇ ਦੇਸ਼ ਦੀਆਂ ਕਦਰਾਂ-ਕੀਮਤਾਂ ਦੀ ਕਦਰ ਕਰਦੀ ਹੈ, ਜਦੋਂ ਉਸ ਦੇ ਮਾਂ-ਬਾਪ ਇੱਥੇ ਪਹੁੰਚੇ ਸਨ ਉਸ ਵਕਤ ਇੱਥੇ ਬਹੁਤ ਘੱਟ ਭਾਰਤੀ ਲੋਕ ਸਨ | ਉਸ ਦਾ ਵੱਡਾ ਤਜਰਬਾ ਲਾਅ 'ਚ ਹੈ |
ਕਾਨੂੰਨ 'ਚ ਸੀਨੀਅਰ ਅਹੁੱਦਿਆਂ 'ਤੇ ਬਹੁਤ ਘੱਟ ਭਾਰਤੀ ਲੋਕ ਹੋਣ ਕਰ ਕੇ ਉਸ ਦੀ ਸ਼ਖ਼ਸੀਅਤ ਵੱਖਰੀ ਹੈ | ਪ੍ਰੋ. ਪਾਹੂਜਾ ਅੰਤਰਰਾਸ਼ਟਰੀ ਕਾਨੂੰਨ ਦੀ ਮਾਹਿਰ ਹੈ, ਉਸ ਦੇ ਕੰਮ ਨੇ ਵਿਸ਼ਵ ਕਾਨੂੰਨ ਅਤੇ ਵਿਕਾਸ ਦੇ ਖੇਤਰ 'ਚ ਡੂੰਘਾ ਅਸਰ ਪਾਇਆ ਹੈ | ਉਸ ਨੂੰ ਅਮਰੀਕਨ ਸੁਸਾਇਟੀ ਇੰਟਰਨੈਸ਼ਨਲ ਲਾਅ ਸਰਟੀਫ਼ਿਕੇਟ ਆਫ਼ ਮੈਰਿਟ (2012), ਵੁੱਡਵਾਰਡ ਮੈਡਲ ਫ਼ਾਰ ਐਕਸੀਲੈਂਸ ਇਨ-ਹਿਊਮੈਨਿਟੀ ਐਾਡ ਸੋਸ਼ਲ ਸਾਇੰਸ (2014) ਅਤੇ ਫੁਲਬ੍ਰਾਈਟ ਸੀਨੀਅਰ ਐਵਾਰਡ ਦਿੱਤਾ ਗਿਆ ਹੈ | ਉਸ ਨੇ ਬਹੁਤ ਸਾਰੀਆਂ ਕਿਤਾਬਾਂ ਲਿਖੀਆਂ ਅਤੇ ਵਿਸ਼ਵ-ਵਿਆਪੀ ਅਸਮਾਨਤਾ ਦੇ ਪ੍ਰਸ਼ਨ 'ਤੇ ਉਸ ਦੀ ਖੋਜ ਨੇ ਕਾਫ਼ੀ ਧਿਆਨ ਖਿੱਚਿਆ |