ਵਿਕਟੋਰੀਆ ਹਾਈਵੇ 'ਤੇ ਕਾਰ ਹਾਦਸਾਗ੍ਰਸਤ , 2 ਦੀ ਮੌਤ

ਸਿਡਨੀ (ਬਿਊਰੋ)— ਆਸਟ੍ਰੇਲੀਆ ਦੇ ਵਿਕਟੋਰੀਆ ਹਾਈਵੇ 'ਤੇ ਬੀਤੀ ਰਾਤ ਤੇਜ਼ ਗਤੀ ਨਾਲ ਜਾ ਰਹੀ ਫੋਰਡ ਕਾਰ ਹਾਦਸਾਗ੍ਰਸਤ ਹੋ ਗਈ। ਇਸ ਹਾਦਸੇ ਕਾਰਨ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ। ਮਰਨ ਵਾਲੇ ਇਕ ਵਿਅਕਤੀ ਦੀ ਪਛਾਣ ਇਕ ਡਰੱਗ ਡੀਲਰ ਅਤੇ ਬੰਬ ਬਣਾਉਣ ਵਾਲੇ ਦੇ ਤੌਰ 'ਤੇ ਹੋਈ ਹੈ। ਪੁਲਸ ਨੇ ਪੁਸ਼ਟੀ ਕੀਤੀ ਕਿ ਜੀਲੌਂਗ ਦੇ ਲੋੜੀਂਦੇ ਅਪਰਾਧੀ ਗ੍ਰਾਂਟ ਰੈਨਕਿਨ (46) ਦੀ ਇਕ ਕਾਰ ਹਾਦਸੇ ਵਿਚ ਮੌਤ ਹੋ ਗਈ। ਰੈਨਕਿਨ ਜਿਸ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਉਸ ਨੂੰ ਬੀਤੇ ਸਾਲ ਮਾਰਚ ਵਿਚ ਜੀਲੌਂਗ ਮਜਿਸਟਰੇਟ ਅਦਾਲਤ ਨੇ ਨਸ਼ੀਲੇ ਪਦਾਰਥਾਂ ਅਤੇ ਚੋਰੀ ਦੇ ਦੋਸ਼ਾਂ ਵਿਚ ਸ਼ਾਮਲ ਪਾਇਆ ਸੀ। ਉਸ ਦੀ ਗ੍ਰਿਫਤਾਰੀ ਲਈ ਸੱਤ ਵਾਰੰਟ ਜਾਰੀ ਕੀਤੇ ਗਏ ਸਨ। ਹਾਦਸੇ ਕਾਰਨ ਖੇਤਰ ਵਿਚ 30 ਸਾਲ ਵਿਅਕਤੀ ਦੀ ਵੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਚਸ਼ਮਦੀਦਾਂ ਮੁਤਾਬਕ ਹਾਦਸੇ ਸਮੇਂ ਫੋਰਡ ਕਾਰ 140 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਗਤੀ ਨਾਲ ਚੱਲ ਰਹੀ ਸੀ। ਖੇਤਰ ਵਿਚ 37 ਸਾਲਾ ਵਿਅਕਤੀ ਦੀ ਛਾਤੀ 'ਤੇ ਸੱਟਾਂ ਲਗੀਆਂ, ਜਿਸ ਕਾਰਨ ਉਸ ਨੂੰ ਜੀਲੌਂਗ ਹਸਪਤਾਲ ਲਿਜਾਇਆ ਗਿਆ। ਹਸਪਤਾਲ ਵਿਚ ਉਸ ਦੀ ਹਾਲਤ ਸਥਿਰ ਹੈ। ਪੁਲਸ ਉਸ ਕੋਲੋਂ ਹਾਦਸੇ ਬਾਰੇ ਜਾਣਕਾਰੀ ਹਾਸਲ ਕਰਨ ਦੀ ਕੋਸ਼ਿਸ ਕਰ ਰਹੀ ਹੈ।jagbani  news