ਦਿੱਲੀ 'ਚ ਕਾਂਗਰਸੀ ਲੀਡਰ ਦੀ ਹੱਤਿਆ
ਨਵੀਂ ਦਿੱਲੀ-ਦਿੱਲੀ ਵਿੱਚ 43 ਸਾਲਾ ਕਾਂਗਰਸੀ ਲੀਡਰ ਵਿਨੋਦ ਮੇਹਰਾ ਦੀ ਹੱਤਿਆ ਕਰ ਦਿੱਤੀ ਗਈ ਹੈ। ਭਲਸਵਾ ਫਲਾਈ ਓਵਰ ‘ਤੇ ਬੀਤੀ ਰਾਤ ਰੋਡਰੇਜ਼ ਦੇ ਚੱਲਦੇ ਵਿਨੋਦ ਮੇਹਰਾ (43) ਦੀ ਗੋਲੀ ਮਾਰ ਕੇ ਹੱਤਿਆ ਕੀਤੀ। ਹੱਥਿਆਰੇ ਕਾਰ ਸਵਾਰ ਮੌਕੇ ਤੋਂ ਫ਼ਰਾਰ ਹੋਣ ਵਿਚ ਸਫ਼ਲ ਹੋ ਗਏ। ਜਿਨ੍ਹਾਂ ਦੇ ਸਬੰਧ ਵਿਚ ਕੋਈ ਥਹੁ-ਟਿਕਾਣਾ ਨਹੀਂ ਪਤਾ ਲੱਗ ਸਕਿਆ।
ਜਾਣਕਾਰੀ ਮੁਤਾਬਕ ਵਿਨੋਦ ਮੇਹਰਾ ਆਪਣੇ ਭਾਣਜੇ ਦੇ ਨਾਲ ਜੀ.ਟੀ.ਰੋਡ ਕਰਨਲ ਸੜਕ ਰਾਹੀਂ ਆਪਣੇ ਘਰ ਆ ਰਹੇ ਸਨ ਅਤੇ ਫਲਾਈ ਓਵਰ ‘ਤੇ ਉਨ੍ਹਾਂ ਦੀ ਵੈਗਨਆਰ ਕਾਰ ਇਕ ਈਕੋ ਕਾਰ ਨਾਲ ਲੱਗ ਗਈ।
ਵਿਨੋਦ ਮੇਹਰਾ ਨੇ ਈਕੋ ਕਾਰ ਚਲਾਉਣ ਵਾਲਿਆਂ ਨੂੰ ਅਰਾਮ ਨਾਲ ਗੱਡੀ ਚਲਾਉਣ ਲਈ ਕਿਹਾ। ਇਸ ‘ਤੇ ਈਕੋ ਕਾਰ ਸਵਾਰਾਂ ਨੇ ਵਿਨੋਦ ਮੇਹਰਾ ਦੀ ਕਾਰ ਰੁਕਵਾਈ ਅਤੇ ਆਪਸ ਵਿਚ ਥੋੜ੍ਹੀ ਬਹਿਸ ਵਿਚ ਹੀ ਈਕੋ ਕਾਰ ਸਵਾਰਾਂ ਨੇ ਵਿਨੋਦ ਮੇਹਰਾ ਦੀ ਛਾਤੀ ਵਿਚ ਗੋਲੀ ਮਾਰ ਦਿੱਤੀ ਅਤੇ ਉਨ੍ਹਾਂ ਦੀ ਮੌਤ ਹੋ ਗਈ। ਜਹਾਂਗੀਰ ਇਲਾਕੇ ਦੀ ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
Comments