ਰਾਮ ਰਹੀਮ ਦੇ ਡੇਰੇ 'ਤੇ ਵੱਡਾ ਸੰਕਟ..!
ਸਿਰਸਾ: ਡੇਰਾ ਸਿਰਸਾ ਪ੍ਰਮੁੱਖ ਨੂੰ 20 ਸਾਲ ਦੀ ਸਜ਼ਾ ਹੋਣ ਤੋਂ ਬਾਅਦ ਡੇਰਾ ਸੱਚਾ ਸੌਦਾ ਆਰਥਿਕ ਸੰਕਟ ਵਿਚ ਘਿਰ ਗਿਆ ਹੈ। ਡੇਰਾ ਸੱਚਾ ਸੌਦਾ ‘ਤੇ ਬਿਜਲੀ ਨਿਗਮ ਦਾ ਕਰੀਬ 95 ਲੱਖ ਰੁਪਏ ਦਾ ਬਿਲ ਬਕਾਇਆ ਪਿਆ ਹੈ।
ਨਿਗਮ ਵੱਲੋਂ ਵਾਰ ਵਾਰ ਨੋਟਿਸ ਭੇਜੇ ਜਾਣ ਦੇ ਬਾਵਜੂਦ ਡੇਰਾ ਵੱਲੋਂ ਬਿਲ ਨਹੀਂ ਭਰਿਆ ਜਾ ਰਿਹਾ। ਇਸ ‘ਤੇ ਕਾਰਵਾਈ ਕਰਦਿਆਂ ਬਿਜਲੀ ਨਿਗਮ ਨੇ ਡੇਰੇ ਨੂੰ ਡਿਫਾਲਟਰ ਐਲਾਨ ਦਿੱਤਾ ਹੈ। ਹੁਣ ਜੇ ਡੇਰੇ ਵੱਲੋਂ 95 ਲੱਖ ਰੁਪਏ ਦਾ ਬਿਲ ਨਹੀਂ ਭਰਿਆ ਜਾਂਦਾ ਤਾਂ ਬਿਜਲੀ ਨਿਗਮ ਡੇਰਾ ਸੱਚਾ ਸੌਦਾ ਦੀ ਜਾਇਦਾਦ ਨੂੰ ਕੁਰਕ ਕਰੇਗਾ।
ਬਿਜਲੀ ਨਿਗਮ ਨੇ ਡੇਰਾ ਸੱਚਾ ਸੌਦਾ ਕੰਪਲੈਕਸ ‘ਚ ਚੱਲ ਰਹੇ ਕੁੱਲ 44 ਕੁਨੈਕਸ਼ਨਾਂ ਵਿਚੋਂ 41 ਨੂੰ ਡਿਫਾਲਟਰ ਐਲਾਨ ਕੇ ਕੁਨੈਕਸ਼ਨ ਕੱਟ ਦਿੱਤਾ ਹੈ। ਨਿਗਮ ਨੇ ਕਿਹਾ ਹੈ ਕਿ ਇਨ੍ਹਾਂ ਨੂੰ ਪਹਿਲਾਂ ਕਿਹਾ ਗਿਆ ਸੀ ਕਿ ਪਰ ਬਿੱਲ ਨਹੀਂ ਭਰਿਆ ਇਸ ਕਰਕੇ ਹੀ ਕਾਰਵਾਈ ਹੋ ਰਹੀ ਹੈ। by abp news
Comments