ਆਸਟ੍ਰੇਲੀਆ ਦੇ ਸ਼ਹਿਰ ਮੈਲਬੌਰਨ 'ਚ ਪਿਅਾਰ ਚ ਪਾਗਲ ਪਤਨੀ ਨੇ ਪ੍ਰੇਮੀ ਨਾਲ ਮਿਲ ਕੇ ਪਤੀ ਨੂੰ ੳੁਤਾਰਿਅਾ ਮੌਤ ਦੇ ਘਾਟ....

ਅਾਕਲੈਂਡ (21 ਫਰਵਰੀ) : ਆਸਟ੍ਰੇਲੀਆ ਦੇ ਸ਼ਹਿਰ ਮੈਲਬੌਰਨ 'ਚ ਰਹਿਣ ਵਾਲੀ ਸੋਫੀਆ ਸੈਮ ਨਾਂ ਦੀ ਔਰਤ ਨੇ ਆਪਣੇ ਪ੍ਰੇਮੀ ਨਾਲ ਮਿਲ ਕੇ ਪਤੀ ਨੂੰ ਮੌਤ ਦੇ ਘਾਟ ੳੁਤਾਰ ਦਿੱਤਾ । ਘਟਨਾ 14 ਅਕਤੂਬਰ 2015 ਦਾ ਹੈ। ਸੋਫੀਆ ਨੇ ਆਪਣੇ 33 ਸਾਲਾ ਪਤੀ ਸੈਮ ਅਬਰਾਹਿਮ ਨੂੰ ਪ੍ਰੇਮੀ ਅਰੁਣ ਕਮਲਾਸ਼ਨਨ ਨਾਲ ਮਿਲ ਕੇ ਕਤਲ ਕਰ ਦਿੱਤਾ ਸੀ।
 ਲੰਬੀ ਜਾਂਚ ਤੋਂ ਬਾਅਦ ਵਿਕਟੋਰੀਆ ਦੀ ਸੁਪਰੀਮ ਕੋਰਟ ਨੇ ਦੋਹਾਂ ਨੂੰ ਦੋਸ਼ੀ ਕਰਾਰ ਦਿੱਤਾ ਹੈ। ਓਧਰ ਸੋਫੀਆ ਅਤੇ ਉਸ ਦੇ ਪ੍ਰੇਮੀ ਅਰੁਣ ਨੇ ਕਤਲ ਦੇ ਦੋਸ਼ਾਂ ਤੋਂ ਇਨਕਾਰ ਕੀਤਾ ਹੈ। ਸੋਫੀਆ ਨੇ ਦਾਅਵਾ ਕੀਤਾ ਸੀ ਕਿ ਉਹ ਆਪਣੇ ਪਤੀ ਦੀ ਮੌਤ ਤੋਂ ਅਣਜਾਣ ਸੀ, ਉਸ ਦਿਨ ਜਦੋਂ ਉਹ ਸਵੇਰੇ ਉੱਠੀ ਤਾਂ ਉਸ ਨੇ ਪਤੀ ਅਬਰਾਹਿਮ ਨੂੰ ਬੈੱਡ 'ਤੇ ਮ੍ਰਿਤਕ ਦੇਖਿਆ। 
ਪਹਿਲਾਂ ਇਹ ਮੰਨਿਆ ਜਾ ਰਿਹਾ ਸੀ ਕਿ ਅਬਰਾਹਿਮ ਦੀ ਮੌਤ ਦਿਲ ਦਾ ਦੌਰਾ ਪੈਣ ਕਾਰਨ ਹੋਈ ਹੈ ਪਰ ਪੋਸਟਮਾਰਟਮ ਰਿਪੋਰਟ ਸਾਹਮਣੇ ਆਉਣ ਮਗਰੋਂ ਇਸ ਗੱਲ ਦਾ ਖੁਲਾਸਾ ਹੋਇਆ ਕਿ ਅਬਰਾਹਿਮ ਜ਼ਹਿਰ ਦਿੱਤਾ ਗਿਆ ਸੀ। ਮੌਤ ਦੇ ਕਾਰਨਾਂ ਦੀ ਪੁਸ਼ਟੀ ਹੋ ਜਾਣ ਤੋਂ ਬਾਅਦ ਸੋਫੀਆ ਅਤੇ ਉਸ ਦੇ ਪ੍ਰੇਮੀ ਅਰੁਣ ਨੂੰ ਪੁਲਿਸ ਨੇ ਕੁਝ ਹੀ ਮਹੀਨਿਆਂ ਬਾਅਦ ਗ੍ਰਿਫਤਾਰ ਕਰ ਲਿਆ ਸੀ By NZ Punjabi NEWS