ਕਿਉ ਬਣਾਇਆ ਸੁਲਤਾਨਪੁਰ ਲੋਧੀ ਜੰਗ ਦਾ ਮੈਦਾਨ

ਸੁਲਤਾਨਪੁਰ ਲੋਧੀ: ਸੁਲਤਾਨਪੁਰ ਲੋਧੀ ਦੇ ਇੱਕ ਨਿੱਜੀ ਹਸਪਤਾਲ ਦੇ ਡਾਕਟਰ ਮਾਲਕ ਤੇ ਡਾਕਟਰ ਪਤਨੀ ਦੀ ਆਪਸੀ ਲੜਾਈ ਵਿੱਚ ਅੱਜ ਸੁਲਤਾਨਪੁਰ ਲੋਧੀ ਨਾਲ ਸੰਬਧਤ ਦੋ ਪੱਤਰਕਾਰਾਂ ਦੀ ਕੁੱਟ-ਮਾਰ ਕੀਤੀ ਗਈ ਤੇ ਕੈਮਰੇ ਮੋਬਾਇਲ ਤੇ ਹੋਰ ਸਾਮਾਨ ਵੀ ਖੋਹ ਲਿਆ ਗਿਆ। ਦਰਸਲ ਸੁਲਤਾਨਪੁਰ ਲੋਧੀ ਦੇ ਇਸ ਹਸਪਤਾਲ ਦੇ ਡਾਕਟਰ ਪਤੀ-ਪਤਨੀ ਦਾ ਆਪਸੀ ਵਿਵਾਦ ਚੱਲ ਰਿਹਾ ਹੈ ਤੇ ਇਹਨਾਂ ਦਿਨਾਂ ਵਿੱਚ ਹਸਪਤਾਲ ਦੇ ਕਬਜ਼ੇ ਦਾ ਰੋਲਾ ਵੀ ਚੱਲ ਰਿਹਾ ਹੈ ਜਿਸ ਸੰਬੰਧ ਵਿੱਚ ਅੱਜ ਡਾਕਟਰ ਪਤੀ ਨੇ ਪਤਨੀ ਦੀ ਕਥਿਤ ਧੱਕੇਸ਼ਾਹੀ ਖ਼ਿਲਾਫ਼ ਪ੍ਰੈਸ ਵਾਰਤਾ ਰੱਖੀ ਸੀ ਜਿਸ ਨੂੰ ਕਵਰ ਕਰਨ ਲਈ ਪੱਤਰਕਾਰ ਸਿਮਰਨਜੀਤ ਸਿੰਘ ਤੇ ਨਿਰਮਲ ਹੈਪੀ ਉਕਤ ਨਿੱਜੀ ਹਸਪਤਾਲ ਪਹੁੰਚੇ। ਪੱਤਰਕਾਰ ਵਾਰਤਾ ਦੀ ਜਾਣਕਾਰੀ ਡਾਕਟਰ ਪਤਨੀ ਨੂੰ ਮਿਲ ਗਈ ਤੇ ਉਸਨੇ ਉੱਥੇ ਪਹਿਲਾ ਹੀ ਕਥਿਤ ਗੁੰਡੇ ਸੱਦੇ ਹੋਏ ਸਨ ਜ਼ਿਹਨਾਂ ਪੱਤਰਕਾਰ ਵਾਰਤਾ ਵਿੱਚ ਪਹੁੰਚੇ ਸਿਮਰਨਜੀਤ ਦੀ ਬੇਸਬਾਲ ਨਾਲ ਕੁੱਟ-ਮਾਰ ਸ਼ੁਰੂ ਕਰ ਦਿੱਤੀ ਤੇ ਕੈਮਰਾ ਮੋਬਾਇਲ ਖੋਹ ਲਿਆ ਇਸੀ ਦੋਰਾਨ ਨਿਰਮਲ ਹੈਪੀ ਵੀ ਮੋਕੇ ਤੇ ਪਹੁੰਚ ਗਿਆ ਜਿਵੇਂ ਹੀ ਉਸਨੇ ਕੁੱਟ-ਮਾਰ ਦੀ ਕਵਰੇਜ ਕਰਨੀ ਸ਼ੁਰੂ ਕੀਤੀ ਤਾਂ ਗੁੰਡਿਆਂ ਵੱਲੋਂ ਉਸ ਦੀ ਵੀ ਕੁੱਟ ਮਾਰ ਕੀਤੀ ਗਈ ਤੇ ਉਸਦਾ ਮੋਬਾਇਲ ਵਗੈਰਾ ਵੀ ਖੋਹ ਲਿਆ। ਇਸੀ ਦੋਰਾਨ ਪ੍ਰੈਸ ਵਾਰਤਾ ਸੱਦਣ ਵਾਲਾ ਡਾਕਟਰ ਪਤੀ ਉੱਥੋਂ ਮੋਕਾਂ ਦੇਖ ਜਾਣ ਬਚਾ ਗਾਇਬ ਹੋ ਗਿਆ ਤੇ ਪੱਤਰਕਾਰਾਂ ਨੂੰ ਕਿਸੀ ਤਰਾਂ ਸਿਵਲ ਹਸਪਤਾਲ ਪਹੁੰਚਾਇਆਂ ਗਿਆ।ਸੂਚਨਾ ਮਿਲਦੇ ਮੋਕੇ ਤੇ ਪਹੁੰਚੀ ਪੁਲਿਸ ਨੇ ਕੁਝ ਕਥਿਤ ਅਰੋਪੀਆ ਨੂੰ ਮੋਕੇ ਤੋਂ ਕਾਬੂ ਕੀਤਾ ਹੈ।